السلام عليكم ورحمة الله وبركاته
انا حابب احكي بموضوع بهم كل فلسطيني وفلسطينية وكل واحد منا حريص على بلده .
الموضوع اللي بدي احكي فيه هو هجرة الشباب الفلسطيني اللي باخر فترة صارت بشكل ما بتخيله العقل .
الهجرة اللي قاعدة بتصير وما في حدا معطيها اهمية هي من مصلحة الاحتلال واللي بهاجر من سني وسن كل شاب بفلسطين يعني ورود فلسطين قاعدة بتهاجر منها ولمين بنترك فيها !!!
الي بدي احكي فيه ليه ما نخصص مكان للكلام عن هادا الموضوع ونعطيه اهميتنا القصوى ونتابعو
ولو نروح ونراجع سجلات الهجرة راح نتفاجئ من الاعداد اللي بتهاجر .
يمكن حدا يحكي بدهم يعيشو شو يعملو بحالهم . بجاوبوا وبحكيلو معك حق واكبر مثال الاعداد الكبيرة الى بتتخرج ومو لاقيين وظيفة لهلا واكيد بيكونو متحسرين وبس بدهم يطلعو من البلد كلها . بس برضو رغم هيك ما لازم نيأس ولا نستسلم هيك علمتنا قضيتنا وهيك علمتنا حياتنا وارضنا انو نضل اقوياء وما نستسلم ابدا مهما صار .
والمشكلة انو انتشرت مكاتب بتعطي جنسية لاي دولة برغبها الفرد بشرط تسليم هويتو او جوازو الفلسطيني وهاى هي الطامة الكبرى والمصيبة الخطيرة اللي بنواجها حاليا .
انا بطلب طلب انكم تحكوا ارائكم ونحاول نعمل شى وبعون الله ما بنعجز .
بتمنى من جميع الاعضاء التفاعل فى هادا الموضوع
شكرا لكم
الإثنين يونيو 23, 2008 2:16 pm